Niuean
Fakaalofa lahi atu
He laupepa nei:
- Ma hai e gahua nei
- Tufatufa fefe e haau a tau logonaaga
- Ko e tau Lagomatai ne maeke ke fakaaoga
- Iloa ni ma e tagata
- Tau koloa lagomatai ma e tau tagata Niue ne kua hao mai
Ma hai e gahua nei
Ko e Survivor Experiences Service ma e tau tagata ne kua eke fakakelea fakamamahi he magaaho ne nofo atu ke he taha faaahi gahua, taha lotu po ke falu faga foki levekiaga foki (tuga e tau aoga totogi, tau faahi gahua ne nakai falanaki ke he fakatufono). Ne fakaataina fakamua ki a lautolu ne kua hao mai mo e hafagi foki ke he tau logonaaga he magafaoa ke he tau matematekelea, ke kitia mo e mailoga e tau lauiaaga laulahi ha kua logona e tau eke fakakelea fakamamahi.
Tufatufa fefe e haau a tau logonaaga
Maeke i a koe ke matutaki mai ki a mautolu ke fakamau haau a higoa mo e Service mo e tufatufa e haau a tau logonaaga ke he tau eke fakakelea fakamamahi ha ko e tau levekiaga.
- Telefoni –0800 456 090 (NZ) 8:30 pogipogi – 4:30 afiafi Aho Gofua – Aho Falaile
- Telefoni –1-800 456 032 (AUS) 8:30 pogipogi – 4:30 afiafi NZT Aho Gofua – Aho Falaile
- Meli hila –contact@survivorexperiences.govt.nz
- Tohi hila –8328
Kaeke kua matutaki mai a koe ki a mautolu, to lagomatai e mautolu a koe ke fakapuke haau a fakamauaga he haau a higoa. To lagomatai foki e mautolu a koe ke fakatokatoka e taha lagomatai fakaaoga fakakū ne pauaki ni ke he ha mautolu a tau vahega lagomatai. To fakamau foki e mautolu e taha magaaho mo e fonoaga ke maeke i a koe ke tufatufa e haau a tau logonaaga.
To maeke i a koe ke tufatufa e haau a tau logonaaga mo e taha ne maama haau a logonaaga ke he mahani eke fakakelea fakamamamahi mo e lauiaaga ki a lautolu ne kua hao mai pihia mo e tau magafaoa.
Ko e pule ni a koe ko e tufatufa fefe e haau a tau logonaaga. Maeke ia koe ke fifili e tau puhala ke tufatufa e haau a tau logonaaga, putoia foki e fakafetuiaga fakatagata, ke he kupega hila, po ke tohitohi.
Kaeke ko e tufatufa a koe he haau a tau logonaaga ke he fakafetuiaga fakatagata, maeke ia koe ke tamai haau a magafaoa pihia mo e falu a tau tagata ke lagomatai a koe ke he haau a fakafeleveiaaga.
Ko e tau lagomatai ne maeke ke moua
Maama i a mautolu ka tufatufa e tau logonaaga nei to liga logona e koe mo e haau a magafaoa e tupetupe ke he tau loto po ke liu mafutafuta hake e tau fakamauaga ke he tau loto ha ko e tau logonaaga nei.
Ko e haau a mana mo e malolo katoatoa ne ha ha ki ai ke he lotouho he ha mautolu a tau fakafetuiaga mo koe mo e haau a magafaoa.
Maeke i a koe ke ole mai ke moua e taha lagomatai ha magaaho ni kua manako. Ka mafiti ni a koe ke fakatutala mo mautolu hagaao ke he haau a tau manako, to maeke foki ke loaloa atu e tau magaaho ha mautolu ke foaki ke he tau lagomatai kua lata tonu ki a mutolu.
Ko e pete ni e nakai foaki fakaloaloa e tau lagomatai he Survivor Experiences Service, to ligaliga ke maeke e falu faahi gahua lagomatai foki tuga e ACC po ke falu foki ne maeke ke lagomatai a koe.
Iloa ni ma e tagata
Tuku fakamua e mautolu e iloaaga ni ma haau. Manako a mautolu ke tauteute e taha takatakai hagahaga mitaki ke maeke i a koe ke tufatufa e haau a tau logonaaga. Mahuiga lahi ke maama i a koe to toka mo e fakaaoga fefe e haau a tau vala tala.
Tau koloa lagomatai ma e tau tagata Niue ne kua hao mai
Kaeke ke manako a koe ke iloaatu foki hagaao ke he tau gahua, maeke i a koe ke totou e pepa Information Booklet ha mautolu. Fakaamaa fakamahino he pepa tote nei e fakaholoaga gahua.
Kaeke ke manako a koe ke moua e lagomatai totou (Literacy) po ke lagomatai ke he tau malolo tino katoatoa, maeke i a mautolu ke lagomatai a koe ke moua e tau mena nei. Fakamaama fakalahi he tau laupepa na i lalo e puhala, mo e lalafi atu ki ai e laupepa ne moua mai e fakaataaga. Maeke i a mautolu ke lagomatai a koe ke fakapuke e laupepa nei – fakailoa mai ke he ha mautolu a matakau gahua kaeke ke manako lagomatai a koe. Po ke maeke i a koe ke tali atu aki e fakaaogaaga he taha tapaki leo po ke vitio.
- Literacy support information and consent form – NIUEAN [DOCX, 74 KB]
- Wellbeing support information and consent form – NIUEAN [DOCX, 77 KB]
Ka manako a koe ke tohitohi hifo e tufatufaaga e haau a logonaaga, maeke i a koe ke fakapuke e pepa tote na i lalo. Fakamolemole ti mautaki mai mo e fakamau hifo haau a higoa mo e faahi gahua to fakafano mai e koe e pepa tote.