Samoan
Tālofa lava, mālō le soifua
Aofia i le itulau lenei:
- O tagata e aogā i ai le auaunaga
- Auala e faasoa mai ai tulaga na e aafia ai
- Lagolagosua Maua
- Tulaga e lē faalauaiteleina
- Punaoa mo tagata Samoa na faasaoina mai
O tagata e aogā i ai le auaunaga
O le Survivor Experiences Service e mo tagata na sauaina i nofoaga a le malo, faalapotopotoga tau talitonuga faaleagaga, po o isi faiga na vaaia ai (faataitaiga.; e pei o aoga tuma‘oti, faalapotopotoga tumaoti). E patino tonu i ē ua faasaoina mai ma e tatala foi le avanoa i aiga e faasoa mai ai, ina ia iloa ai se lautelega o aafiaga o tulaga pagatia.
Auala e faasoa mai ai tulaga na e aafia ai
E mafai ona e faafesootai mae mo le faia o se lesitala ma le Auaunaga ma faasoa mai sauaga na e aafia ai i nofoaga na tausi ma vaai ai oe.
- Telefoni –0800 456 090 (NZ) 8:30am – 4:30pm Aso – Aso Faraile
- Telefoni –1-800 456 032 (AUS) 8:30am – 4:30pm NZT Aso Gafua – Aso Faraile
- Imeli –contact@survivorexperiences.govt.nz
- Feau Tusitusia –8328
O le taimi lava e te faafesootai mai ai, ona matou fesoasoani atu lea e fai ia uma lau lesitala. O le a matou fesoasoani foi e faatulaga nisi o lagolagosua mo se vaitaimi puupuu e patino i auaunaga o matou saunia. O le a matou faatulaga se taimi ma le nofoaga e mafai ona e faasoa mai ai tulaga na e aafia ai.
E mafai ona e faasoa atu i se isi e malamalama i sauaga i nofoaga o vaaia ai ma aafiaga i tagata faasaoina ma aiga.
E pule lava oe i le faiga e te faasoa mai ai. E tele auala e faia ai, e aofia ai le faafesagai ma talanoa, talanoa i luga o faiga faainitaneti, po o se faamatalaga tusia.
E tatala le avanoa tou te auai faatasi ai ma lou aiga po o isi o lagolagoina oe pe afai tatou te faafesagai ma talanoa.
Lagolagosua mauaina atu
Matou te iloa o le faasoaina mai o tulaga na e aafia ai e avea ma mea e feagai ai oe ma lou aiga ma mafatiaga po o le toe fafagu mai o mea na tutupu.
E tausisia lou mamalu ma le soifua manuia i taimi tatou te tatatalaina ai tulaga faapenei ma oe faapea ma lou aiga.
O soo se taimi lava e mafai ai ona e talosaga mo se lagolagosua. O le vave na e talanoa mai i tulaga o e moomia, o le lava foi lea o le taimi e saili ai le lagolagosua sili ona fetaui mo oe.
E ui ina lē mafai ona auina atu e le Survivor Experience Service se lagolagosua mo se vaitaimi umi, e ono maua atu se fesoasoani i isi auaunaga e pei o le ACC po o isi faalapotopotoga.
Tulaga e lē faalauaiteleina
Matou te faamuamua tulaga e lē faalauaiteleina ai mea e patino ia te oe. Matou te saunia se siosiomaga e maua ai lou nofo lelei e faasoa mai ai tulaga na e aafia ai. E taua lou malamalama i auala e teu malu ai faamatalaga e patino ia te oe ma tulaga e faaaoga ai.
Punaoa mo tagata Samoa faasaoina mai
E te maua i le Tusi Faamatala, se malamalamaaga atoa o le auaunaga lenei. O lo o faamatala auiliili i le tusi faamatala le faagasologa e faia ai.
E mafai ona faatulaga se lagolagosua pe a moomia mo le Tusitusi ma le Faitautusi ma/po o le Soifua Manuia. O lo o faamatala auiliili i faamaumauga i lalo ifo le faagasologa e faia ai, faatasi ai ma le maliega tusia. E mafai ona matou fesoasoani atu i le faiga o lau maliega tusia – tau lava o le faailoa mai pe a moomia se fesoasoani. Po o le tuuina mai o se tali i se tautalaga na pu‘e po o se video.
- Literacy support information and consent form – SAMOAN [DOCX, 74 KB]
- Wellbeing support information and consent form – SAMOAN [DOCX, 80 KB]
E mafai ona e faatumua tali o le tusi faamatala i lalo ifo, pe afai e te manao e fai sau faamatalaga tusia. Faamolemole faafesootai mai ma fai lau lesitala mo le auaunaga a o le i lafoina mai lau tusi faamatala.